«ԵԱՏՄ պետությունների վերնախավերն այսօր ականատեսն են ՌԴ-ի և ՀՀ-ի ղեկավարների ակտիվ հրապարակային դիմակայության». Արման Մելիքյան

Արցախի ԱԳ նախկին նախարար Արման Մելիքյանի ֆեյսբուքյան գրառումը. «Փաստորեն ԵԱՏՄ պետությունների իշխող վերնախավերն այսօր ականատեսն են Ռուսաստանի ու Հայաստանի ղեկավարների գաղափարախոսական, քաղաքական ու տնտեսական ակտիվ հրապարակային դիմակայության: Այս դիմակայությունը ձեռնտու է հատկապես ԵԱՏՄ անդամ Կենտրոնական Ասիայի պետությունների ղեկավարներին, քանի որ այս փոքրիկ ընտանեկան վեճը ՌԴ ռազմաքաղաքական մենաշնորհի դեմ հենց իրենց ըմբոստության համար կարող է դառնալ օրինակելի ուղի: Սա մի կողմից: Մյուս կողմից, ենթադրելի է, որ այս դիմակայության պատճառով Կրեմլը, չցանկանալով լրացուցիչ լարվածություն առաջացնել իր ազդեցության բացառիկ գոտում, ավելի զգուշավոր ու զիջողական պահվածք կորդեգրի իրենց հանդեպ, կբարձրանա նրանց ընդհանուր հարգը: Եթե, իհարկե, Հայաստանը մնա ոտքի վրա: Բայց սա արդեն այդքան կարևոր չէ իրենց համար: Կարևոր է, որ սրա արդյունքում ԵԱՏՄ ներսում ի հայտ եկած հակասությունները ինքնաբերաբար կծառայեն թյուրքախոս պետությունների բազմակողմանի ինտեգրման խորացմանը: Հարցն այն է, թե մոտ ապագայում մեզ վրա դա ինչ կնստի»: