«Շենքի ետնամասում նորածին երեխային թողել են և հեռացել». Արսեն Նիկողոսյան

Ակտիվիստ Արսեն Նիկողոսյանը ֆեյսբուքյան իր էջում գրել է. «Իրականում ահավոր սարսափելի իրավիճակ է տեղի ունեցել։
Արզումանյան 4 շենքի ետնամասում անհայտ անձը նորածին երեխային՝ դեռ պորտալարը չկտրված վիճակում, թողել է և հեռացել։
Բարեբախտաբար, տեղի բնակիչներից Նարեկ Պետրոսյանը նկատել է երեխային և անմիջապես ահազանգել ոստիկանություն։ Ոստիկանների օպերատիվ և հմուտ գործողությունների շնորհիվ նորածնին հասցրել են հիվանդանոց։
Այս պահին, ցավոք, տեղեկություն չունեմ երեխայի առողջական վիճակի վերաբերյալ։
Հուսանք՝ փոքրիկը կկարողանա հաղթահարել այս ծանր փորձությունը և կապրի առողջ ու ապահով կյանքով»։