«Պետք չէ ահազանգել, որ կործանվում ենք, մենք դրա մասին գիտենք, և դա անկասելի է»․ Նիկոլ Փաշինյան

«Եթե ունես ապոկալիպտիկ մտածողություն, ապա ամեն օր ապոկալիպսիսի պատճառ կա»,- այս մասին Կառավարության նիստում ասաց վարչապետ Նիկոլ Փաշինյանը:

«Ամեն օր կարելի է տեսնել, որ ինչ-որ մեկը պնդում է, թե երկիրը կործանվում է․․․ Կարելի է բերել տասնյակ պատճառներ, թե ինչու է երկիրը կործանվում, և կարելի է հակառակ պատճառներ էլ բերել․․․ Երկիր մոլորակի պատմությունն ընդհանրապես կործանման պատմություն է, և բառիս բուն իմաստով էլ է կործանվում, բոլոր երկրային մարմինները գլորվում են անդունդը՝ շատ մեծ արագությամբ․․․ Մենք պետք է հասկանանք, որ բոլորս ապրում ենք կործանման վիճակում, գլորվում ենք անդունդը․․․ Այնպես որ պետք է հարմարվել այս իրադրության հետ․․․ Առնվազն 10 միլիարդ տարի այս անկումը շարունակվելու է, անկման վիճակում պետք է ապրենք և աշխատենք․․․ Մեր հարգելի գործընկերներին ասում եմ, որ պետք չէ մեզ ահազանգել, որ մենք կործանվում ենք, մենք դրա մասին գիտենք, և դա անկասելի է»,- ընդգծեց Փաշինյանը։