Ձերբակալվել են «Գազպրոմ Արմենիա»-ի 4 աշխատակիցներ

Ձերբակալվել են «Գազպրոմ Արմենիա» ՓԲԸ-ի 4 աշխատակիցներ և ՀՀ քաղաքաշինության, տեխնիկական և հրդեհային անվտանգության տեսչական մարմնի 1 պաշտոնատար անձ․ «Sputnik Արմենիա»-ին այս մասին հայտնել են ՀՀ հակակոռուպցիոն կոմիտեից:
«Նրանք ձերբակալվել են ՀՀ հակակոռուպցիոն կոմիտեում նախաձեռնված քրեական վարույթի շրջանակում։ Վարույթն առնչվում է նորակառույց շենքերում գազամատակարարման գործընթացում թույլ տրված խախտումներն անտեսելու պայմաններում դրական եզրակացություն տրամադրելու համար կաշառք տալու դեպքերին»,- նշել են կոմիտեից։
Ձերբակալվածներից 4-ի նկատմամբ խափանման միջոց է ընտրվել կալանքը, մեկի նկատմամբ՝ տնային կալանքը: