«Մեծ հիմնահարցեր ունեցող Հայաստանը 9-րդ տարին ղեկավարում են հիմնավոր կրթություն չունեցող, անգամ կոլխոզ չղեկավարած անձինք». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Ոչ մի մեծահարուստ իր ընկերությունների ղեկավարներ չի նշանակի մասնագիտական հիմնավոր կրթություն, ղեկավարելու հաջողված փորձ չունեցող, ստախոս, կոռումպացված անձանց։ Սակայն փաստացի պերմանենտ պատերազմի մեջ գտնվող, մեծ հիմնահարցեր ունեցող Հայաստանը 9-րդ տարին ղեկավարում են հիմնավոր կրթություն չունեցող, նախկինում անգամ կոլխոզ չղեկավարած անձինք, որոնք իրենց մեծ պաշտոնները, «նախկինների» նման, օգտագործում են իրենց ու իրենց մտերիմների հարստանալու համար։ Աշխարհի ամենահզոր կայսրությունը՝ ԽՍՀՄ֊ը կործանվեց վատ կառավարման հետևանքով։ Հույս ունենանք, որ փնթի, ապաշնորհ կառավարման հետևանքով օրվա իշխանությունը կկործանվի, ոչ թե՝ Հայաստանի Հանրապետությունը»: