«Ամառվա ամենապիկ սեզոնին որոշել են քանդել ու «նորոգել» ասֆալտապատ ճանապարհը»․ Շիրազ Խաչատրյան

«Հենակետ» ՀԿ-ի փորձագետ Շիրազ Խաչատրյանը ֆեյսբուքյան իր էջում գրում է․ «Սրանց մոտ կառավարման անկարողությունը, խառնաշփոթն ու սեփական քաղաքացուն արհամարհելը վաղուց համակարգային ձեռագիր է դարձել:
Ամառվա ամենապիկ սեզոնին, երբ դեպի Սևան, Տավուշ ու Լոռի գնացող տրանսպորտային հոսքերը հասնում են առավելագույնին, սրանք որոշել են քանդել ու «նորոգել» նորմալ ասֆալտապատ ճանապարհը։ Առավել բացահայտ անարգանք մարդկանց ժամանակի ու հանգստի նկատմամբ դճվար է պատկերացնել։
Նույն պատկերն է նաև մայրաքաղաքում, կենտրոնի փողոցները ու հատկապես Իսակովի պողոտան՝ դեպի օդանավակայան, Էջմիածին և հարավային ուղղություններ տանող զարկերակը, ևս կաթվածահար է արված։
Սա է պատկերը... «էֆեկտիվ կառավարիչների» ողջ սնանկությունը երևում է ամեն տեղ, որտեղ պետք է ուղղակի ճիշտ որոշել՝ որ գործն է կարևոր, որը՝ երկրորդական..․»։