Արմավիրի մարզում գյուղացիները դեռ փակ են պահում ճանապարհը

Ինչպես հայտնել ենք, Արմավիրի գյուղերի՝ բերքի իրացման խնդրի առաջ կանգնած բնակիչները ճանապարհ են փակել ու պատկան մարմիններից հարցի լուծում են պահանջում:

«Դեղձն ու մյուս մթերքները սպասել չեն կարող»,- Արմավիրի համայնքապետի հետ հանդիպմանն ասել են Խանջյան և Հացիկ գյուղերի բնակիչները։

Համայնքապետ Վարշամ Սարգսյանը, սակայն, պնդել է, որ այս ամենի հետևում քաղաքական ենթատեքստ կա։

«Իրենք փորձում են հասարակ մարդկանց, գյուղացուն, ում գործը գյուղատնտեսությունն է, օգտագործել քաղաքական մխտառ խաղերի մեջ»,- նշել է պաշտոնյան։

Համայնքապետի կարծիքի հետ անհամաձայն հողագործներն ասել են, որ բերքն էժան գներով՝ 100 դրամով են մթերում։

Նրաց չի գոհացրել նաև Արմավիրի մարզպետի հավաստիացումը, թե բերքի պատշաճ իրացման հարցով բանակցություններ են վարում ու հարցը փորձում լուծել Էկոնոմիկայի նախարարի հետ, քանի որ նման բանակցություններն արդյունք չեն տալիս:

Այս պահին ճանապարհը շարունակում է փակ մնալ։