«Կհամագործակցե՞ք Աննա Հակոբյանի հետ»․ հարց՝ Լիլիթ Գալստյանին

«Հաշվի առնելով, որ Աննա Հակոբյանը խորացել է ընտանեկան բռնության դեպքերի մեջ և գտնում է, որ օրենսդրական հարց կա, այդ ոլորտում իր հետ կհամագործակցե՞ք»,- լրագրողը հարց ուղղեց ԱԺ «Հայաստան» խմբակցության պատգամավոր, ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի թեկնածու Լիլիթ Գալստյանին։
«Լսել եմ, որ վերջերս նման հետաքրքրություն ունի։ Թող նախաձեռնությունը լինի՝ ինչո՞ւ չէ»,- պատասխանեց ընդդիմադիր պատգամավորը և շարունակեց․ «Եթե առողջ լուծումներ կան, առողջ գնահատականներ կան և լուծման ճանապարհներից շահելու է մեր պետությունն ու հասարակությունը՝ ես կողմ եմ երկխոսությանը»: