«Բանակում մենք գործ ունենք շատ խորքային խնդիրների հետ». Դավիթ Պետրոսյան

«Ռեստարտ» ՀԿ-ի համակարգող Դավիթ Պետրոսյանը ֆեյսբուքյան իր էջում գրել է․ «Անակնկալ ստուգումները, պաշտոնանկությունները, արտերկրից տարբեր զինատեսակների ներկրումը հարցի լուծում չէ։
Բանակում մենք գործ ունենք շատ խորքային խնդիրների հետ, սրա մասին մենք խոսում ենք 2017 թվականից։ Պետք են համալիր ու ազնիվ քննարկումներ՝ բոլոր կողմերի մասնակցությամբ։ Պետք է խոսել ու առերեսվել իրական խնդիրներին, պետք է համակարգային ու երկարաժամկերտ աշխատանքի մեջ ներգրավել, որն էլ բաղկացած կլինի կոնկրետ, փոքր քայլերից։ Պետք է կոմֆորտ վիճակից դուրս գալ ու նաև ծանր, շատ աշխատանք պահանջող որոշումներ կայացնել։
Բանակում առկա խնդիրները, որի պատճառով մենք ոչ մարտական զոհեր ենք ունենում, լրիվ մեր լուծման դաշտում են ու ամբողջովին մեզնից են կախված։
Իրական խնդիրների մասին չխոսելն ու դրանց շուրջ որոշումների չկայացումը մեզ նոր դժբախտությունների առաջ է կանգնեցնելու
Պարտավոր եմ նշել, որ նշված թե՛ երկարաժամկետ, թե՛ կարճաժամկետ քայլերի մասով կան մտքեր, գաղափարներ, որոնք հեշտ կարող են դառնալ ծրագրեր»։