«Ի՞նչ էին մի խումբ զինծառայողներ ժամը 21:00-ի սահմաններում անում զորամասից դուրս»․ Ռուբեն Մխիթարյան

ԱԺ «Ուժեղ Հայաստան» խմբակցության պատգամավոր Ռուբեն Մխիթարյանի գրառումը․ «Ճամբարակի ողբերգական դեպքին, ըստ ՊՆ և Քննչական կոմիտեի պաշտոնական դիրքորոշման, չի նախորդել զինծառայողների միջև ծեծկռտուք, իսկ զինվորները հակագազերով չեն վազել։
Այդ դեպքում տվեք ամենապարզ հարցի պատասխանը.
-Ի՞նչ էին մի խումբ զինծառայողներ երեկոյան ժամը 21:00-ի սահմաններում անում զորամասից դուրս՝ Ճամբարակ տանող ավտոճանապարհին։
-Եթե հակագազերով չէին վազում՝ ի՞նչ էին անում այնտեղ։
-Եթե ծեծկռտուք չի եղել՝ ինչպե՞ս և ինչո՞ւ էին հայտնվել ճանապարհին։
-Ո՞վ էր նրանց դուրս բերել զորամասից։
-Ի՞նչ հրաման կամ առաջադրանք էին կատարում։
-Ո՞վ էր այդ պահին պատասխանատու զինծառայողների անվտանգության համար։
Զոհված զինվորի ընտանիքը և հասարակությունն իրավունք ունեն իմանալու ամբողջ ճշմարտությունը։ Բանակում տեղի ունեցած ողբերգության վերաբերյալ պետության պատասխանը չի կարող սահմանափակվել մեկ նախադասությամբ՝ «այդ տեղեկությունը չի համապատասխանում իրականությանը»»։