«Հայաստանում կոռումպացված նախարարին հեռացնում են, ապա սահուն կերպով նշանակում են ուրիշ, երբեմն ավելի բարձր պաշտոնի». Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը. «Նորմալ կառավարություն ունեցող երկրներում վատ աշխատանքի կամ կոռուպցիայի համար գործից հեռացված պաշտոնյաներին պատժում են, մոտ չեն թողնում պետական համակարգին։
Հայաստանում մի ոլորտը վարի տված կամ կոռումպացված նախարարին հեռացնում են վարչապետի կողմից մեղադրական աղմուկով, հետո մի քանի ամիս լռություն է տիրում այդ մարդու շուրջը, ապա սահուն կերպով նշանակում են ուրիշ, երբեմն ավելի բարձր ու փողաբեր պաշտոնի։
Բնական է, որ կոռուպցիայի մեջ բռնված պաշտոնյան հետո ավելի մեծ կոռուպցիայով կզբաղվի, եթե գիտի, որ ամենամեծ պատիժը լինելու է պաշտոնից հեռացումը, որ հետո ավելի բարձր պաշտոն ստանա։
Սա կոչվում է կոռուպցիայի պետական համակարգ»: