«Պաշտպանության նախարարը պետք է պատասխանատվություն կրի». Դավիթ Մանուկյան

«Ապրելու երկիր» կուսակցության քաղաքական խորհրդի անդամ Դավիթ Մանուկյանի ֆեյսբուքյան գրառումը. «Երբ պաշտպանության նախարարը Պապիկյան Սուրենն է, բանակում տիրող իրավիճակը սա կլինի։
Քավ լիցի, դժբախտ պատահարներից ոչ ոք ապահովագրված չէ, բայց այն, ինչ վերջին տարիներին տեղի է ունենում բանակում, մեկ-երկու դժբախտ պատահար չէ. սա բանակում առկա խորքային խնդիրների հետևանք է։
Պաշտպանության նախարարը պետք է պատասխանատվություն կրի և առաջին հերթին անհապաղ ազատվի նախարարի պաշտոնից։
Վերջիվերջո, ե՞րբ պետք է հասկանաք, որ պետությունը, բանակը և այլոց կյանքը խաղալիք չեն։ Բանակ ղեկավարելու համար համապատասխան գիտելիքներ են պետք, փորձ, հմտություններ և բնածին ձիրք, ոչ թե ով պատահի դառնա բանակի ղեկավար»: