«Խաչատուր Սուքիասյանի «Սիլ պլազան» գնելու հետ կապված ՔՊ-ի մոտ երբեք հարցեր չեն առաջանա». Քրիստինե Վարդանյան

«ՔՊ-ի իշխանության ժամանակ որևէ ունեցվածք պահելու լավագույն ձևը ՔՊ-ի հետ պայմանավորվելը և քաղաքականությամբ չզբաղվելն է, կամ իրենց հաճո քաղաքական գիծ վարելն է»,- ԱԺ նիստին ասել է «Հայաստան» խմբակցության պատգամավոր Քրիստինե Վարդանյանը: Նա, ընդգծել է, որ ում հետ անհաշտ են եղել, դատել են: «Ուզում եք քրեական գործը փակվի, որևէ ոտնձգություն չլինի ձեր ունեցվածքի նկատմամբ, համագործակցեք ՔՊ-ի հետ:

Խաչատուր Սուքիասյանի «Սիլ պլազան» գնելու հետ կապված ՔՊ-ի մոտ երբեք հարցեր չեն առաջանա, որովհետև նա իրենց թիմակիցն է»,- նշել է նա և հավելել. «ՔՊ-ն մեզ չի ներում իր հետ չպայմանավորվելը»: