Հինգշաբթի, 27 օգոստոսի, 2026 թ.
|
Ստեփանակերտում`   +26 °C

«Մի կողմում ՀՀ Անկախության հռչակագիրն է, մյուսում՝ Հայաստանի ադրբեջանացման հեռանկարը»․ Էդուարդ Շարմազանով

«Մի կողմում ՀՀ Անկախության հռչակագիրն է, մյուսում՝ Հայաստանի ադրբեջանացման հեռանկարը»․ Էդուարդ Շարմազանով
38
Այսօր, 17:24

ՀՀԿ Գործադիր մարմնի անդամ Էդուարդ Շարմազանովի ֆեյսբուքյան գրառումը․ «Անկախության հռչակագրի պաշտպանությունը պետք է լինի բոլոր պեականամետ ու ազգային ուժերի առաջնային խնդիրը։
1990-ի օգոստոսի 23-ին Հայաստանի անկախության հռչակումը հայ ժողովրդի պատմության ամենափառավոր էջերից է։
Անկախության հռչակագիրն այսօր վտանգված է։
Ռեժիմը բացահայտ խոսում է այն նոր սահմանադրության նախագծից դուրս թողնելու մասին։
Նրանք ՀՀ Անկախության հռչակագիրը համարում են «կոնֆլիկտածին»՝ ջուր լցնելով ադրբեջանական հակահայկական քարոզչության ջրաղացին։
ՀՀ Անկախության հռչակագիրը Հայաստանի ինքնիշխան ու անկախ լինելու մասին է։
Այն Հայաստանի քաղաքագիների ու հայ ժիղովրդի կողմից սեփական ճակատագիրը որոշելու մասին է։
Այն մեր պատմական հավաքական հիշողություն ունենալու ու ազգային արժեքներին սատար կանգնելու մասին է։
Անկախության հռչակագիրը ժողովրդավարական պետություն կառուցելու մասին է:
Ինչպես տեսնում ենք, այս արժեքների հետ գործող ռեժիմը կապերը վաղուց խզել է ու հենց այդ պատճառով էլ մերժում է ՀՀ Անկախության հռչակագիրը։
Իսկ մերժել Անկախության հռչակագիրը կնշանակի մերժել ՀՀ անկախությունն ու Հայաստանում հաստատել ադրբեջանական նարատիվով առաջնորդվող ռեժիմ։
Մի կողմում ՀՀ Անկախության հռչակագիրն է, իսկ մյուս կողմում՝ Հայաստանի ադրբեջանացման հեռանկարը»։

Աղբյուրը`   Էդուարդ Շարմազանով