«Մարտական հերթապահությունը կարող է պատիժ լինել միայն հող տված նիկոլականի, բայց ոչ մեզ համար»․ Տարոն Ղազարյան

ՀՅԴ անդամ Տարոն Ղազարյանը ֆեյսբուքյան իր էջում գրել է․ «Ամեն անգամ, երբ վարժական հավաքի ծանուցում եմ ստանում, այնպիսի տպավորություն է, որ Պաշտպանության նախարարությունն արդեն լուծել է դիրքերի կահավորման, անհրաժեշտ պաշտպանական ամրությունների ու հագեցվածության, կիսատ-պռատ սպառազինության և սննդի հարցերը, ու հիմա մեզ՝ ընդդիմադիրներիս, ծանուցում է՝ պարզապես առաջարկելով գնալ ու անձամբ համոզվել, որ ամեն ինչ կարգին է, ու իրենք ժողովրդին հեչ էլ չեն խաբում։
Ասել եմ ու էլի կասեմ․ չեմ ճանաչում որևէ դաշնակցականի, որի համար մարտական հերթապահություն իրականացնելը կարող է լինել պատիժ։ Էդ պատիժ կարող է լինել միայն ամբողջ կյանքում փախած ու հող տված նիկոլականի համար, բայց ոչ մեզ համար։
Հ.Գ. Գոնե որոշ ժամանակ հետո ուղարկեիք, որ տպավորություն չստեղծվեր, թե նստած սպասում եք՝ երբ է Ազգային ժողովում պայմանագիրս լուծվելու»։