«Զանգեցի ոստիկանություն, տեսնենք՝ ինչ կլինի»․ Ռուբեն Մալայան

Նկարիչ, դիզայներ Ռուբեն Մալայանը ֆեյսբուքյան իր էջում գրել է. «Այսօր առավոտյան Սոֆիի ու Ադելի հետ գնացինք մեր սիրված միջնադարյան գերեզմանոցը Օշականում և տեսանք՝ ինչպես են «բարեկարգում» մի տարածք, առանց որևէ թույլտվության, բետոն անում ու սալիկապատում 3 հին տապանաքարեր։ Զանգեցի ոստիկանություն, քիչ անց մոտեցան, տեսնենք՝ ինչ կլինի։ Ինչքան գիտեմ՝ օրենքն արգելում է նման շինարարություն անել պատմամշակութային տարածքում։ Հուսամ նաև, որ ապագայում խնդիրներ չեմ ունենա, մարդիկ չեն հասկանում՝ ինչու իրենց արածը անընդունելի է և որ չի կարելի այս բարդակը նորմա սարքել»։