«Ավելի լավ է ցամաք հաց ունենալ, քան հայրենավաճառ լինել»․ Մանուել Մանուկյան

Ակտիվիստ Մանուել Մանուկյանի ֆեյսբուքյան գրառումը. «Եթե ես միայն իմ անձի կամ նյութականի մասին մտածեի, այսօր հանգիստ կարող էի ծովի ափին ապրել կամ ՔՊ-ի հետ հայրենիքը վաճառելու ճանապարհով հարստանալ։
Հիշեք՝ ՔՊ-ն և Նիկոլ Փաշինյանը տիրապետում են պետական համակարգերին, աշխատատեղերին, բյուջեին և մեծ ֆինանսական ռեսուրսներին։ Սակայն Աստված, Սրբություն և Հայրենիք ունեցող մարդիկ գիտեն՝ այդ ամենը ժամանակավոր է։
Նյութականը կարևոր է, բայց այն երբեք չի կարող ավելի թանկ լինել, քան Հայրենիքը, արժանապատվությունը և ինքնասիրությունը։
Ավելի լավ է ցամաք հաց ունենալ, քան հայրենավաճառ լինել։ Ավելի լավ է դժվար ապրել, քան Ալիևի առաջ կզած, վախկոտ ու դավաճանական ճանապարհով հարստանալ։
Փողը գալիս ու գնում է։ Պաշտոնը գալիս ու գնում է։ Իշխանությունն էլ է ժամանակավոր։
Բայց Հայրենիքը, անունը և արժանապատվությունը մարդու հետ մնում են ամբողջ կյանքում և դրանից հետո։ Մնացածը կապացուցի կյանքը և ժամանակը»։