«ՀՀ նախագահը մասնակցում է որպես ի՞նչ»․ Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Գյումրիում տեղի է ունենում արտերկրում ՀՀ դեսպանների հերթական հավաքը։ Պարբերական միջոցառում է, որի առնչությամբ իհարկե ինձ մի բան է հետաքրքիր՝ դրան ՀՀ նախագահի ձևական մասնակցությունը։

Այդ պաշտոնը որևէ առնչություն չունի արտաքին քաղաքականությանը։ ՀՀ նախագահը մասնակցում է որպես ի՞նչ։ Եթե նա մասնակցում է իբրև նշանակալի ֆիգուր, ապա սա մեղմ ասած զավեշտալի է, որովհետև Վահագն Խաչատուրյանը չի ունեցել և չունի այնպիսի քաղաքական տրամաչափ, որ թեկուզ դրա բերումով արժեվորվի նրա մասնակցությունն ու զրույցները դեսպանների հետ, չնայած ֆունկցիոնալ կամ հիերարխիկ առնչության բացակայությանը։

Օրինակ, եթե այդպիսի հավաքների մասնակցեր Արմեն Սարգսյանը՝ երբ նախագահ էր (չգիտեմ մասնակցել է, թե՞ ոչ), ապա դա ես կհամարեի արդարացված։ Որովհետև նա իհարկե մասշտաբ, միջազգային կյանքի մեծ փորձառություն, նաև կապեր ու հեղինակություն ունեցող ֆիգուր է, հետևաբար նրա ներկայությունն ու մասնակցությունը քննարկումներին՝ անշուշտ կլիներ օգտակար։

Բայց նախագահ, որը թե տրամաչափ չունի՝ որպես քաղաքական ֆիգուր, թե նաև սահմանադրորեն որևէ առնչություն չունի արտաքին քաղաքականությանը, մասնակցում է դեսպանների հետ հավաքին, որ ի՞նչ լինի»։