«Երեխաները կապ չունեն, թե իրենց ծնողներն ի՞նչ քաղաքական կողմնորոշում ունեն». Արեգ Սավգուլյան

Պատմաբան Արեգ Սավգուլյանի ֆեյսբուքյան գրառումը. «1. Երևանի քաղաքապետի ցուցումով պետք է հաշվառվեն ինքնակամ կառույցներում ապրող անձինք, իրականացվի նրանց կարիքների համապարփակ գնահատում։ Եթե շինությունները 60 հոդվածի տակ չեն, դրանք կից հողամամսով անհատույց կարգով հարկ է տրամադրել բնակիչներին (սեփականատերեր), պայմանով, որ տվյալ շինության կամ հողամասի օտարման դեպքում սեփականատերը (ները) կվճարեն կադաստրային արժեքը։
2. Եթե արգելված տարածքում է տվյալ ինքնակամ շինությունը, իսկ բնակիչներն ունեզուրկ են և չունեն ապրելու կացարան, հոգալ այդ հարցը։ Այդ նպատակով Երևանում կառուցապատում իրականացնող շինարարական կազմակերպություններից գանձվող հարկերն ուղղել սոցիալապես անապահով խավի համար բնակարաններ ձեռքբերելուն։
Հ.Գ. Երեխաները կապ չունեն, թե իրենց ծնողներն ի՞նչ քաղաքական կողմնորոշում ունեն կամ ինչպե՞ս են խաբվել այն վարչական շրջանների ղեկավարների կամ աշխատակիցների խոստումներին առ այն, որ իրենց տնակները սեփականաշնորհվելու են»։