«Բնակիչների առաջ պայման ենք դրել»․ Ռոմիկ Մխիթարյան

«Երեկ քաղաքապետի որոշմամբ կանգնեցվել է տնակների քանդման գործընթացը, որպեսզի մարդիկ դրսում չմնան, բազմազավակ ընտանիքներ կան, հաշմանդամ երեխաներ»,- լրագրողների հետ զրույցում ասաց Շենգավիթ վարչական շրջանի ղեկավար Ռոմիկ Մխիթարյանը։ «Բնակիչների հետ քննարկել ենք խնդիրները, պայման ենք դրել, որ այսուհետ ոչ մի մեքենա այդ տարածք չմտնի և աղբ չթափի, և որ իրենք ոչ մի կառուցապատման աշխատանք չկատարեն։ Նրանք խոստացան կատարել մեր պահանջները և կապրեն այնտեղ այնքան ժամանակ, մինչև խնդիրը վերջնական կլուծվի»,- նշեց Մխիթարյանը։
Հիշեցնենք, որ երեկ Երևանի քաղաքապետարանի որոշմամբ փորձ էր կատարվել ապամոնտաժել Շենգավիթ վարչական շրջանի Շիրակի փողոցի տնակները, բայց բնակիչների դիմադրության հետևանքով աշխատակիցները հեռացել են տարածքից։ Իսկ այսօր այդ բնակիչները հրավիրվել են թաղապետարան։