Ինչպես են ԱԱԾ-ականներն անկողնուց տանում Գագիկ Խաչատրյանին

Համացանցում տարածվում է տեսանյութ, որում պատկերված է, թե ինչպես են ԱԱԾ-ականներն անկողնուց տանում Գագիկ Խաչատրյանին
Հիշեցնենք՝ դատախազությունից հայտարարել են, որ դատաբժշկական հանձնաժողովային նոր փորձաքննությունների արդյունքներով արձանագրվել է, որ Գագիկ Խաչատրյանը կարիք չի ունեցել վիրահատական միջամտության, դրա անհրաժեշտությունը ներկա պահին կարող է դիտարկվել Գ.Խ.-ի ՄՌՏ հետազոտության ենթարկվելուց հետո (Գ.Խ.-ն հրաժարվել է ՄՌՏ հետազոտությունից):
«Համապատասխան ցուցման առկայության դեպքում, վիրահատությունը հնարավոր է կատարել Հայաստանի Հանրապետության բժշկական հիմնարկությունների մասնագիտացված բաժանմունքներում: Ընդ որում, վիրահատության կատարման համար ներկայում ՀՀ-ում առկա են հնարավոր գործիքակազմերը, տեխնիկական միջոցները և մասնագետները՝ ովքեր կարող են կատարել և կատարում են այդպիսի վիրահատական միջամտություններ»,- «Իշխանությանը» հայտնել են դատախազությունից: