«Երբ պետության փոխարեն գոմ ես սարքում, այդ անպետությունը վերջը ջարդվելու է գլխիդ». Գոռ Մադոյան

Վերլուծաբան Գոռ Մադոյանի ֆեյսբուքյան գրառումը․ «Նկարն այս այն մասին է, որ պետության բացակայության պարագայում մարդը վեշ է՝ անկախ ֆինանսական ու սոցիալական կարգավիճակից, հանցանքից ու իր դեմ կուտակած ատելությունից,
Նկարն այն մասին է, որ երբ դու ես իշխանության, նման բան անողները քեզ են ծառայում, երբ ուրիշները՝ նրանց են ծառայում ու դու հայտնվում ես այս վիճակում:
Նկարն այն մասին է, որ երբ դու պետության փոխարեն գոմ ես սարքում ու զբաղված ես հարստահարելով ու թալանով, այդ անպետությունը վերջը ջարդվելու է գլխիդ:
Նկարն այս Հայաստանի փակ շղթայի մասին է, որտեղ ամեն հաջորդ իշխանությունը գալու է նախկիններից հետ բերելու պատգամով, դառնալով նախկին ու սպասելով իրեն նախկին սարքողին,
Նկարն այս, ի վերջո, այն մասին է, որ փողը Հայաստանում երբեք իշխանության չի եղել ու սխալ են եղել նրանք ովքեր պետության սարքելու փոխարեն փող են դիզել, այլապես միլիարդատեր լինելով այս վիճակում չէին հայտնվի»: