«Թալան-թալան գոռալու քողի տակ ռեյտինգի խնդիր են լուծում»․ Արշակ Սարգսյան

Երևանի ավագանու «Մայր Հայաստան» խմբակցության անդամ Արշակ Սարգսյանը ֆեյսբուքյան իր էջում տեսանյութ է հրապարակել՝ կից գրելով․ «Իրականում սա հիմնավորում է մի փաստ, որ թալան-թալան գոռալու քողի տակ ռեյտինգի խնդիր են լուծում։
Այս տեսանյութում հստակ լսվում է, թե ինչպես է իշխող ուժի ներկայացուցիչը խոսում արդարադատության և խափանման միջոցների մասին։ Երբ իրավական որոշումները կայացվում կամ մեկնաբանվում են «ժողովուրդը մեզ կատի» տրամաբանությամբ, դա արդեն ոչ թե օրենք է, այլ քաղաքական նպատակահարմարություն։
Սա ևս մեկ անգամ ապացուցում է, որ Ռոբերտ Քոչարյանի նկատմամբ կալանքը օգտագործվել է որպես քաղաքական ճնշման միջոց, որտեղ անձնական վարկանիշն ու քաղաքական փիառն ավելի բարձր են դասվել, քան օրենքն ու արդարադատությունը»։