«ՌԴ-ի դեմ հաքերային հզոր հարձակում է տեղի ունեցել»․ Սամվել Հայրապետյան

Ծրագրավորող, քիբերանվտանգության մասնագետ Սամվել Հայրապետյանի ֆեյսբուքյան գրառումը. «ՌԴ-ի դեմ շատ հզոր հաքերային հարձակում է տեղի ունեցել, ինչի արդյունքում հաքերներին հաջողվել է մուտք գործել VMMANAGER 6 համակարգ։ Սա այն ամպային/տեղային համակարգն է, որի միջոցով կառավարվում է ՌԴ-ի ամենամեծ սերվերները՝ պետական, ուժային, բանկեր, հիվանդանոցներ, դպրոցներ և այլն։ Դեռևս պարզ չէ հարձակման երկիրն ու հաքերային խմբավորումը, բայց սա ՌԴ-ի պատմության թերևս ամենակրիտիկական հարվածներից մեկն էր։ Արդեն իսկ հաքերները կարողացել են գողանալ բազմաթիվ գաղտնի տվյալներ ու API բանալիներ։ Հարձակումները սկսել են հոկտեմբերի 17-ից, բայց ըստ տարածված լուրերի, ISPsystem ընկերությունը դրանց կարևորություն չի տվել, քանի որ, ըստ ամենայնի, եղել են ոչ կրիտիկական, ըստ իս դրանք եղել են հետախուզական հարձակումներ ավելի շատ բաց port-եր կամ գոնե խոցելիություններ հայտնաբերելու համար։ Էսօր ընդամենը 4-5 ժամ առաջ նոր ISPsystem ընկերությունը հասկացել է, թե ինչ մասշտաբի է խնդիրը ու դրա հետևանքները։
Ըստ տարածված լուրերի՝ նաև ՌԴ-ի կողմից 3 միլիոն ռուբլի է հատկացվել բագհանթերներին, որպեսզի հաքերներից ավելի շուտ գտնեն մնացած խոցելի տեղերը, որի արդյունքում 120 խոցելիություն է հայտնաբերվել ու փոխանցվել գլխավոր ընկերությանը՝ Астра-ին»։