Եզդիների ցեղասպանության մասին Բարեդ Մարոնյանի ֆիլմն արժանացել «Լավագույն լիամետրաժ վավերագրական ֆիլմ» մրցանակին

Ամերիկահայ ռեժիսոր Բարեդ Մարոնյանի «10 Years On: The Yazidi Genocide» («10 տարի անց. եզդիների ցեղասպանությունը») վավերագրական ֆիլմը Կանադայում կայացած Forest City Film Festival կինոփառատոնում արժանացել է «Լավագույն լիամետրաժ վավերագրական ֆիլմ» (Best Documentary Feature) մրցանակին։ Այս մասին ռեժիսորը հայտնել է Instagram-ի իր էջում: Կինոնկարի ցուցադրությունը տեղի է ունեցել Օնտարիո նահանգի Լոնդոն քաղաքում։
Ֆիլմը պատմում է 2014 թվականին Իրաքում «Իսլամական պետություն» (ԻՊ) ահաբեկչական խմբավորման կողմից իրականացված եզդիների ցեղասպանության և գերությունից ու սեռական ստրկությունից փրկված կանանց ճակատագրերի մասին։ Կինոնկարի կենտրոնում գրոհայինների գերության մեջ հայտնված Ֆաիզա Քասիմի և Լամիա Հաջի Բաշարի պատմություններն են. ֆիլմը ներկայացնում է նրանց ազատագրումն ու բնականոն կյանքին վերադառնալու փորձերը։
Հայաստանը եզդիների ցեղասպանությունը ճանաչել է 2018 թվականի հունվարին։ Համաձայն 2022 թվականի մարդահամարի տվյալների՝ երկրում բնակվում է շուրջ 31 հազար եզդի. նրանք Հայաստանի ամենամեծ ազգային փոքրամասնությունն են։ Արմավիրի մարզի Ակնալիճ գյուղում է գտնվում աշխարհի ամենամեծ եզդիական տաճարներից մեկը, որը բացվել է 2019 թվականին։
Բարեդ Մարոնյանը ամերիկահայ վավերագրող է, տարածաշրջանային «Էմմի» մրցանակի քառակի դափնեկիր և Armenoid Productions կինոընկերության հիմնադիրը։ Իր աշխատանքներում նա անդրադառնում է պատմական իրադարձություններին, ցեղասպանություններին, մարդու իրավունքների խախտումներին և բռնությունից տուժած համայնքների ճակատագրերին։
Նրա հայտնի կինոնկարների թվում են «Ցեղասպանության որբերը» (Orphans of the Genocide), «1915-ի կանայք» (Women of 1915) և «Ցեղասպանություն 2.0. էթնիկ զտումներ Արցախում» (Genocide 2.0: Ethnic Cleansing in Artsakh) ֆիլմերը:
Վերջինս 2026 թվականի հոկտեմբերին ԱՄՆ-ում կայացած Chagrin Documentary Film Festival կինոփառատոնում արժանացել է մրցանակի՝ «Լավագույն սոցիալական թեմատիկայով վավերագրական ֆիլմ» (Best Social Awareness Documentary) անվանակարգում:

Շվեյցարական Ալպերում հայտնաբերվել է գրեթե չորս հազար տարվա վաղեմության բրոնզե զարդ (լուսանկար)
43619.11.2026, 23:43
Յուրի Պետրոսյանի 85-ամյակին նվիրված հետահայաց ցուցահանդեսը ներկայացնում է արվեստագետի ստեղծագործական ուղու տարբեր փուլերը (լուսանկար)
66215.11.2026, 23:54
«Հնագույն Հայաստան»․ Ակրոպոլիսի թանգարանում կներկայացվի Հայաստանի հազարամյակների պատմությունն ու մշակույթը
66315.11.2026, 20:54
«17-րդ դարի վերջին ի հայտ եկավ սրի (թրի) առաջին նշանակալի ձևափոխված տարբերակը»․ Սուքիաս Թորոսյան
75514.11.2026, 16:12
«Սամվել Կարապետյանի նոր քրեական վարույթով 91 քննիչ է ներգրավվել». Ռուբեն Հակոբյան (տեսանյութ)
79513.11.2026, 21:12
Մահացել է Նորայր Մեհրաբյանը
62713.11.2026, 13:54
ԱՄՆ-ում աճուրդի կհանվի Այվազովսկու՝ նախկինում անհայտ կտավը (լուսանկար)
175812.11.2026, 00:13
Ադրբեջանը զայրացել է, որ Երևանի Կապույտ մզկիթի հանդիսությունների սրահը Չարենցի անունով է անվանակոչվել
75611.11.2026, 21:12