Երեքշաբթի, 17 նոյեմբերի, 2026 թ.
|
Ստեփանակերտում`   +5 °C

«Եթե սա տեղի է ունենում Անդրանիկ Թևանյանի նկատմամբ ճնշում գործադրելու նպատակով, արդեն լրջագույն հարց է»․ Սարգիս Տեր-Եսայան

«Եթե սա տեղի է ունենում Անդրանիկ Թևանյանի նկատմամբ ճնշում գործադրելու նպատակով, արդեն լրջագույն հարց է»․ Սարգիս Տեր-Եսայան
34
Այսօր, 15:00

Երևանի ավագանու «Մայր Հայաստան» խմբակցության անդամ Սարգիս Տեր-Եսայանի ֆեյսբուքյան գրառումը. «Անդրանիկ Թևանյանի խուց գիշերը հոգեկան առողջության խնդիրներ ունեցող անձի են տեղափոխել։ Ամբողջ գիշեր խուցը խառնաշփոթի մեջ է եղել՝ գոռոցներ, նոպաներ, անկառավարելի իրավիճակ։
Մի՞թե քրեակատարողական հիմնարկում այլևս չեն տարբերակում բժշկական օգնության կարիք ունեցող մարդուն պահելու պայմաններն ու սովորական բանտախուցը։
Չմոռանանք, որ ընդամենը օրեր առաջ Բաղրամյան պողոտայում հոգեկան առողջության խնդիրներ ունեցող անձի մասնակցությամբ տեղի ունեցած միջադեպի հետևանքով երիտասարդը զրկվեց կյանքից։ Եթե այս ամենը տեղի է ունենում Անդրանիկ Թևանյանի նկատմամբ լրացուցիչ ճնշում գործադրելու կամ նրան հոգեբանական անհարմարության մեջ պահելու նպատակով, ապա սա արդեն լրջագույն հարց է, որը պահանջում է անհապաղ քննություն»։