«Քաղաքական էլիտա կոչվածը Հայաստանին սպառնացող մարտահրավերների հետ կապ չունի, նա իր խավիարով սեղանի հարցն է լուծում». Ո. Սարգսյան

Ապրիլյան պատերազմի դասերը մասամբ են ընկալվել: Պետական բյուջեի հարկերը քերում-պոկում են մանր ու միջին տնտեսվարողներից, որ հետո պետական, կրկնվող ֆունկցիաներ ունեցող, ըստ էության՝ անգործության մատնված հիմնարկներում հազարավոր չինովնիկ պահեն: Բանակին նոր սպառազինություն է պետք, սակայն փողը վատնում են շարիկ գլորող, անիրականանալի ծրագրեր կազմող հիմնարկություններում: Հայաստանի քաղաքական, կուսակցական, տնտեսական, գաղափարական էլիտա կոչվածը Հայաստանին սպառնացող մեծ մարտահրավերների հետ կապ չունի, նա իր խավիարով սեղանի հարցն է լուծում: Ադրբեջանի հետ բանակցություններն արդյունք չեն տա: Մաքիավելին ասել է՝ պատերազմը կարելի է հետաձգել, սակայն այն տեղի կունենա հակառակորդի համար ձեռնտու պայմաններում: