Ուրբաթ, 22 սեպտեմբերի, 2023 թ.
|
Ստեփանակերտում`   +17 °C

«Երևի Քոչարյանի ձեռը չոր քարի տակ է՝ Հայաստանում տարածք չունի կամ Աֆրիկայում վայրի կենդանիներ սպանելու փողը հատել է»․ Ոսկան Սարգսյան

«Երևի Քոչարյանի ձեռը չոր քարի տակ է՝ Հայաստանում տարածք չունի կամ Աֆրիկայում վայրի կենդանիներ սպանելու փողը հատել է»․ Ոսկան Սարգսյան
535
Ուրբաթ, 24 օգոստոսի, 2018 թ., 12:05

Լրագրող Ոսկան Սարգսյանը ֆեյսբուքյան իր էջում գրել է․

Ռոբերտ Քոչարյանը հայտարարել է քաղաքականություն վերադառնալու մասին, կարծես թե Հայաստանի քաղաքացիները դրան սպասում են: Ռոբերտ Քոչարյան
և Խոսե Մուխիկա, երկու նախկին նախագահներ, որքան տարբեր կերպարներ: Կառավարությունը 5 տարով երկարաձգել է նախկին նախագահ Ռոբերտ Քոչարյանին Երևան քաղաքում գրասենյակով ու գույքով ապահովվելու 2008-ի մայիսի 22-ի որոշման ժամկետը. 10 տարի աղքատ Հայաստանի պետական բյուջեից տարեկան 2 միլիոն դրամ է հատկացվել Քոչարյանի զբաղեցրած տարածքի վարձակալության համար, ևս 5 տարի էլ կտրվի: Երևի Ռոբերտ Քոչարյանի ձեռը չոր քարի տակ է, Հայաստանում տարածք չունի կամ Աֆրիկայում վայրի կենդանիներ սպանելու փողը հատել է: Ուրուգվայի նախկին նախագահ Խոսե Մուխիկան, որին համեստ կենսակերպի պատճառով անվանում էին «աշխարհի ամենաաղքատ նախագահ», հրաժարվել է սենատորի կենսաթոշակից: Նա կարող էր սենատորի պաշտոնն զբաղեցնել մինչև 2020 թվականը, սենատորի կենսաթոշակ ստանալ, սակայն չի ցանկացել և դիմում է գրել թոշակի անցնելու խնդրանքով: