Ադրբեջանը ողջունում է ԼՂ հարցով Մերկելի դիրքորոշումը

Պաշտոնական Բաքուն դրական է գնահատում Լեռնային Ղարաբաղի հակամարտության կարգավորման հարցով Գերմանիայի կանցլեր Անգելա Մերկելի հայտարարությունը: Այս մասին հայտարարել է Ադրբեջանի ԱԳՆ մամուլի ծառայության ղեկավար Հիքմեթ Հաջիևը:

Նրա խոսքով՝ Ադրբեջանը ԼՂ հակամարտության խաղաղ կարգավորման կողմնակիցն է: Նա նաև հայտնել է, որ Եվրոմիության և Ադրբեջանի միջև հարաբերությունները շարունակում են զարգանալ, իսկ Մերկելի՝ Ադրբեջան կատարած այցը կարևոր էր թե՛ Ադրբեջան-Գերմանիա, թե՛ Ադրբեջան-ԵՄ հարաբերություններում։

Հիշեցնենք, որ երեկ ԼՂ հարցով Մերկելի հայտարարությունը մեկնաբանել էր նաև ՌԴ ԱԳՆ պաշտոնական ներկայացուցիչ Մարիա Զախարովան: