Ֆելիքս Ցոլակյանն ընդունել է Արտակարգ իրավիճակների նախարարի պաշտոնը ստանձնելու առաջարկը

Ավելի վաղ հայտնել էինք, որ ԱԺ պատգամավոր Ֆելիքս Ցոլակյանն Արտակարգ իրավիճակների նախարարի պաշտոնն ստանձնելու առաջարկ է ստացել: Արդեն հայտնի է, որ նա ընդունել է այդ առաջարկը:

Հիշեցնենք՝ Ցոլակյանը մայիսի 1-ին և 8-ին կողմ էր քվեարկել Նիկոլ Փաշինյանի թեկնածությանը, ապա դուրս եկել ՀՀԿ խմբակցությունից:

Հոկտեմբերի 2-ի քաղաքական զարգացումների ժամանակ նա ֆեյսբուքյան իր էջում գրել էր. «Ստեղծված իրավիճակը, իրոք, մտահոգիչ է, հատկապես այն առումով, որ չի բխում մեր ժողովրդի իրական շահերից։
Օրենքի ընդունումն ու դրա կիրառումը կարող է ավելորդ լարվածության պատճառ դառնալ՝ վտանգելով մեր իսկ ժողովրդի անվտանգությունը։
Ինքս չեմ մասնակցել այսօր կայացած նիստին և գտնում եմ, որ խնդրի լուծումը պետք է բխի բացառապես ժողովրդի շահերից։
Կոչ եմ անում բոլորին խոհեմություն ցուցաբերել:
Խիղճ և խաղաղություն բոլորիս»: