««Սասնա ծռերի» ընտրական ցուցակի առաջին տասնյակում պատերազմի ոչ մի մասնակից չկա». Տիգրան Հակոբյան

Հեռուստատեսության և ռադիոյի հանձնաժողովի անդամ Տիգրան Հակոբյանը ֆեյսբուքյան իր էջում գրել է. «Ընտրական մանիպուլյացիա՝ 1... Նախընտրական քարոզարշավում որպես արցախյան պատերազմի մասնակիցների ու շահերի կուսակցություն դիրքավորվող «Սասնա ծռերի» ընտրական ցուցակի առնվազն առաջին տասնյակում պատերազմի ոչ մի մասնակից չկա: Կամ գոնե ապրիլյան պատերազմի: Քաղաքական բռնությունը, հարևանների հետ անվերջ պատերազմների անհրաժեշտությունը հիմնավորող գաղափարախոսներ կան, ՊՊԾ գնդի վրա զինված հարձակման մասնակիցներ կան, ինքնաշեն պայթուցիկների պատրաստման մասնագետ կա, տարածաշրջանային համագործակցության (համագործակցության՝ Կառլ) վերլուծական կենտրոնի ղեկավար կա, բայց պատերազմի մասնակիցներ չկան: Ստիպված նախընտրական հոլովակներում անվերջ պտտում են Ժիրայրի արցախյան կադրերը, չնայած՝ նա ցուցակում չկա... Ռուսական անեկդոտի պես ա՝ «Муму» написал Тургенев, а памятник поставили Достоевскому... Ով Արցախը պաշտպանի, ում հերոս կոչեն...»: