«Մեծ հույսով և հավատով». Արմեն Ռուստամյանը քվեարկեց

Երևանի ընտրատեղամասերից մեկում քվեարկեց ՀՅԴ ցուցակը գլխավորող Արմեն Ռուստամյանը:

«Մեծ հույսով և հավատով, հանուն մեր երկրի ապագայի, հանուն նրա, որ մեր ժողովուրդը շատ մեծ ակնկալիքներ ունի այս ընտրություններից, և որ այդ ակնկալիքներն արդարանան, և այն երազած Հայաստանը, որն ուզում է տեսնել, ունենա: Ժամանակն աննախադեպ շատ քիչ էր, սակայն ասելիքները շատ էին, բայց հնարավորինս լայն ճակատով այս անգամ կարողացանք տեղ հասցնել հիմնական մեր ասելիքը»,- լրագրողների հետ զրույցում ասաց նա: