«Եթե հետախուզությունը չի թերացել, ո՞ր կառույցը կամ հրամանատարներն են թերացել». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է. «Նիկոլ Փաշինյանը, խոսելով գլխավոր շտաբի հետախուզության վարչության նախկին պետ, իր նորանշանակ խորհրդական Արշակ Կարապետյանի մասին՝ ասել է, որ ապրիլյան պատերազմի ժամանակ հետախուզական տվյալների պակաս կամ բացակայություն չի եղել: Եթե հետախուզությունը չի թերացել, ո՞ր կառույցը կամ հրամանատարներն են թերացել, գուցե դավաճանություն կամ հանցավոր անփութություն է եղել: Մեր դատարանները հեղեղված են դատերով, երբ զինվորը մի զինվորի մի մուշտի է տվել: 2016թ. ապրիլին 120 զոհի, ջահել-ջիվան տղերքի մահվան համար մեղավոր ու դատ չկա՞, ե՞րբ է ապրիլյան պատերազմի գործով հետաքննություն արվելու: Եթե 2016թ. ապրիլի մեղավորներն ի հայտ չգան ու չպատժվեն, այդ սխալները՝ իրենց վատ հետևանքներով կարող են կրկնվել»: