«Ի՞նչ եք կարծում, չարժե՞ մի քիչ էլ համբերել». Աշոտ Ադամյան

Դերասան, ռեժիսոր Աշոտ Ադամյանը ֆեյսբուքյան իր էջում գրել է. «Դեռևս նիստեր չգումարած՝ ԱԺ-ի վերաբերյալ շատ քննադատական խոսքեր ու կարծիքներ են հնչում։ Եվ իսկապես՝ պատգամավորական բանակը խայտաբղետ է ու անկանխատեսելի․․․ Իսկ արդյո՞ք լուծարվածը, կանխատեսելի ու արհեստավարժ էր, արդյո՞ք ուներ բազմակարծության ներուժ և ցանկանո՞ւմ էր արդյոք արդարադատության վրա հիմնված արժանապատիվ քաղաքացիների երկրի օրենսգիրը լինել․․․ Դասականի ասածի պես՝ «Ո՛չ, հանգուցյալը՝ սովորական սագագող էր․․․»:
Հարց․
Ի՞նչ եք կարծում, չարժե՞ մի քիչ էլ համբերել, տեսնելու համար, թե ինչ ենք արել ու եթե նոր ԱԺ-ի գործունեությունը չի տարբերվի նախորդից, իսկապես գործի դնել «Սանիտեք»-ի չօգտագործված աղբամանները․․․»: