«Ադրբեջանը եթե մի բան կարողանում է անել, ապա դա հայերի դեմ լարվածություն տարածելն է». Աշոտ Ասատրյան

Ռազմական վերլուծաբան Աշոտ Ասատրյանը ֆեյսբուքյան իր էջում գրել է.

«Ադրբեջանը եթե մի բան կարողանում է անել, ապա դա հայերի դեմ ամեն անգամ լարվածություն տարածելն է։ Ու Ղազախստանի դեպքն էլ չէր կարող տարբերվել իրենց կողմից որդեգրած այսքան տարիների փորձից։

Ադրբեջանական կողմը ամեն գնով փորձում է ցանկացած առիթ օգտագործել և Հայաստանին ներկայացնել ագրեսիվ պահվածքով պետություն ու դա մեծ ազդեցություն է ունենալու հետագայում ցանկացած բանակցության վրա։ Նույնիսկ ղազախներին օգտագործելով ադրբեջանական կողմը իր համար արխիվ է հավաքում ու թքած, թե իրենց մեղադրական հոդվածների գլխավոր հերոսը հիմնականում ադրբեջանցիները չեն, քանի որ կարծես արդեն տարածվել է հայտարարություն, որ հիմնական մեղավորը ադրբեջանցի է եղել, բայց դա հարևանների համար կարծես երկրորդական է ու հիմնական խնդիրը հայկական կողմին մարդասպան ու հանցագործ ներկայացնելն է։

Մեզ մնում է հուսալ և հավատալ, որ ղազախ ժողովրդի մեծ մասը չի գնա ադրբեջանական քարոզչության հետքերով ու հայ և ղազախ ժողովրդների հարաբերությունները ավելի լավ մակարդակի վրա կդրվեն։

Տարբեր երկրների միջև թշնամանք սերմանող պետությունը ոչ մեկի , ոչ մյուսին չի կարող բարեկամ լինել»։