«Երկար ընդմիջումից հետո մենք կրկին վերականգնել ենք մեր պետականությունը». Գագիկ Եղիազարյան

«Սասնա ծռեր» կուսակցության անդամ Գագիկ Եղիազարյանը ֆեյսբուքյան իր էջում գրել է. «Այսօր համայն հայության տոնն է. էական չէ իրականում, թե տարվա օրերից որ մեկին կնշվի այս կարևորագույն տոնը, էականն այն է, որ այն պետք է վերածվի համազգային տոնախմբության. երկար ընդմիջումից հետո մենք կրկին վերականգնել ենք մեր պետականությունը, որի գոյության և հարատևման միակ իրական երաշխավորը մեր ազգային բանակն է... Շնորհավորում եմ համայն հայությանը հայոց բանակի վերստեղծման կապակցությամբ, շնորհավորում եմ իմ բարեկամներին, մտերիմներին, ընկերներին, բայց որ ամենակարևորն է՝ շնորհավորում եմ Ժիրայր Սեֆիլյանին, Վարուժան Ավետիսյանին, Մխիթար Ավետիսյանին, Արմեն Լամբարյանին (Արմեն Արիացի), Թորոս Թորոսյանին, Արամ Հակոբյանին և մնացյալ իմ այն ընկերներին, որոնք իրենց անուրանալի ներդրումն են ունեցել թեʹ Արցախի ազատագրման և թեʹ հայոց բանակի կայացման գործում:
Հատուկ շնորհավորանքներս Ապրիլյան քառօրյայի տղերքին և ընդհանրապես հայ զինվորին... Հայը պարտավոր է միշը ռազմիկ լինել...»: