Հինգշաբթի, 28 մարտի, 2024 թ.
|
Ստեփանակերտում`   +13 °C

«Այս աղետը կանխելու ամենակարճ միջոցն Ստեփանակերտում երևանյան սցենարով փոփոխությունն է»․ Ժ․ Սեֆիլյան

«Այս աղետը կանխելու ամենակարճ միջոցն Ստեփանակերտում երևանյան սցենարով փոփոխությունն է»․ Ժ․ Սեֆիլյան
2897
Չորեքշաբթի, 10 ապրիլի, 2019 թ., 13:00

Շուշիի առանձնակի գումարտակի հրամանատար, «Սասնա Ծռեր» համահայկական կուսակցության պատվավոր ներկայացուցիչ Ժիրայր Սեֆիլյանը ֆեյսբուքյան իր էջում գրել է. «Արցախը ՀՀ մարզ է, սակայն Արցախում ժողովուրդը դեռևս կեղեքվում է Երևանյան նախկին հանցավոր ռեժիմի ստեփանակերտյան մնացորդի լծի տակ: Բացի այդ, ստեփանակերտյան հակահայ և ապօրինի ղեկավարությունը սեպարատ քայլեր է կատարում մեր ազգային շահերի դեմ՝ ձգտելով հանուն աթոռի Արցախի կեղծ անկախության հանգամանքը ծառայեցնել Կրեմլի տարածաշրջանային ծրագրերին: Մինչդեռ գաղտնիք չէ, որ Կրեմլը նպատակ ունի Արցախի նկատմամբ վերահսկողություն հաստատելուց և այնտեղ զորքեր տեղակայելուց հետո Ադրբեջանին ստիպել մտնելու իր ազդեցության տիրույթ, դառնալ ՀԱՊԿ-ի և ԵԱՏՄ-ի անդամ, այնուհետև, որպես փոխհատուցում, Ադրբեջանին հանձնել Արցախը: Այս աղետը կանխելու ամենակարճ միջոցն
Ստեփանակերտում երևանյան սցենարով փոփոխությունն է: Դրա շնորհիվ կվերականգնվի Հայաստանի քաղաքական համակարգի ամբողջականությունը և կչեզոքացվի Արցախը Կրեմլի շահերին զոհաբերելու սպառնալիքը: Անշուշտ, այս գործընթացը պետք է իրականացվի Արցախում առկա առողջ ուժերի և գործիչների միացյալ համախմբմամբ: Մեր պատկերացմամբ, պետք է ձևավորվի առաջնորդող խումբ, որն էլ կկազմակերպի ժողովրդին փողոց հանելու և ռեժիմին հեռացնելու գործը, ինչից հետո միայն պետք է տեղի ունենան ընտրություններ: Եվ մեր համոզմամբ ընտրություններում հաղթողի միակ օրակարգը պետք է լինի Արցախը մարզի կարգավիճակով ՀՀ կազմում դե յուրե ներառելը»։