Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Շատ զինակոչիկներ ծառայության մեկնելիս թաքցնում են, որ վարորդական իրավունքի վկայական ունեն»․ Ոսկան Սարգսյան

«Շատ զինակոչիկներ ծառայության մեկնելիս թաքցնում են, որ վարորդական իրավունքի վկայական ունեն»․ Ոսկան Սարգսյան
759
Ուրբաթ, 12 ապրիլի, 2019 թ., 10:30

Լրագրող Ոսկան Սարգսյանը ֆեյսբուքյան իր էջում գրել է. «Հերթական անգամ վթարի է ենթարկվել զինծառայողներով ավտոմեքենա։ Մեղրիում «ԶԻԼ»-ը դուրս է եկել ճանապարհի երթևկելի գոտուց և շրջվել, 10 զինծառայող վնասվածք է ստացել․ Հայաստանի պաշտոնյաների ծառայողական ավտոմեքենաներն արտասահմանյան արտադրության են՝ թանկ, շքեղ, իսկ մեր զինծառայողներին տեղափոխում են 30 տարեկան «ԶԻԼ»-երը։ Շատ զինակոչիկներ, ծառայության մեկնելիս, թաքցնում են, որ վարորդական իրավունքի վկայական ունեն, որպեսզի ստիպված չլինեն բարոյապես և ֆիզիկապես հնացած մեքենաների ղեկին նստելով՝ վտանգել իրենց և ծառայակիցների կյանքը։ Մեր բանակին սիրո խոսքեր հղելուց առավել կարևոր է նրա հանդեպ հոգածությունը, մասնավորապես՝ բանակի ավտոտեխնիկական պարկի թարմացումը»։