«Այդ դեպքում միայն Թուրքիան կճանաչի ցեղասպանությունը»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է. «Ցեղասպանության զոհերի հիշատակին հարգանքի ամենամեծ դրսևորումը կլինի Հայաստան ուժեղ երկրի կառուցումը։ Այդ դեպքում միայն Թուրքիան կճանաչի ցեղասպանությունը։ Տասնամյակներ շարունակ սփյուռքը և Հայաստանը մեծ ջանքեր են գործադրել այլ երկրների կողմից Հայոց ցեղասպանութունը ճանաչելու համար։ Սփյուռքի զգալի ռեսուրսներ ծախսվել են այդ նպատակով, մինչդեռ կարող էին օգտագործվել Հայաստանի տնտեսական զարգացման, մեր երկրից արտագաղթը կանխելու համար։ Հարկ է փոխել այդ քաղաքականությունը»։