«ՌԴ վարչապետն ընդգծված արհամարհական կեցվածք է դրսևորել իմ հայրենիքի նկատմամբ»․ Տիգրան Խզմալյան

Կինոռեժիսոր Տիգրան Խզմալյանը ֆեյսբուքյան իր էջում գրել է. «Կներեք բծախնդրությունս։ ՌԴ Վարչապետ Մեդվեդևի այցը Երևան, որտեղ նա ժամանեց ջինսերով, կարող էր դիտվել իբրև անձնական ոճի, ճաշակի, անբռնազբոսության նշան։ Ես, օրինակ, ջինսերով եմ քարշ գալիս այս կյանքում 8-րդ դասարանից սկսած։ Սակայն ես ՌԴ վարչապետ չեմ, այն էլ արտասահման այցելելիս։ Ոչ էլ ՌԴ վարչապետն է 8-րդ դասարանցի։ Եվ քանի որ գրառումս ու համապատասխան լուսանկարներն առաջացրել են ոմանց անսպասելի (թե՞ սպասելի) հանդուրժողականությունը, թե՝ «բա ի՞նչ կա որ, աշխատանքային այց է, ուրիշ տեղ էլ է այսպես գնում», ես թույլ եմ տալիս ինձ մի քանի վայրկյան էլ ձեր ժամանակից խլել սույն լուսանկարներով ապացուցելու համար իմ տեսակետը, որ ՌԴ վարչապետն ընդգծված արհամարհական կեցվածք է դրսևորել իմ Հայրենիքի նկատմամբ։ Համեմատեք նրա այցերի հետ այլ երկրներ և անգամ ՌԴ շրջաններ։ Ահա Մեդվեդևն՝ Ադրբեջանում, Բուլղարիայում, Ղազախստանում, Կրասնոդարում, Լյուքսեմբուրգում, Սախալինում, Ուզբեկիստանում։ Մնացածն ինքներդ գնահատեք»։