Ուրբաթ, 24 մայիսի, 2019 թ.
|
Ստեփանակերտում`   +12 °C

«Գիտեք` ինչ ծիծաղելի, բայց իրականում ողբալի իրավիճակ է». Սոնա Աղեկյան

«Գիտեք` ինչ ծիծաղելի, բայց իրականում ողբալի իրավիճակ է». Սոնա Աղեկյան
55
Ուրբաթ, 17 մայիսի, 2019 թ., 19:10

«Երկիր ծիրանի» կուսակցության անդամ Սոնա Աղեկյանը ֆեյսբուքյան իր էջում գրել է. «Գիտեք՝ ինչ ծիծաղելի, բայց իրականում ողբալի իրավիճակ է. տարիներ առաջ այս նույն հակաքոչարյանականներն սկզբում 5, հետո 7 հազար ՀՀ դրամ ընտրակաշառքը վերցնում և գնում ընտրում էին Ռոբերտ Քոչարյանին, հետագայում՝ 10 հազարով՝ Սերժ Սարգսյանին։ Անկախ մեր ընտրությունից հայտնվում էինք այն իրականությունում, որում դարձանք պայքարի անկոտրում առաջամարտիկներ ու հիմա, այդ ընտրակաշառվածները խոսքեր էլ գտնում են, դեռ առանց խղճի խայթի ու ամոթի զգացումի՝ արտահայտություններ են թույլ տալիս իրենց ընտրած նախագահի հասցեին։ Կողմնորոշվեք, սիրելի հայրենակիցնեʹր, ով էշ մենք փալան սկզբունքն էլ չի գործում, հուսով եմ՝ կկողմնորոշվեք. բավ է արդեն, մեր կամքից անկախ մեզ ղեկավար եք ընտրում, այնուհետև սկսում անարգանքի սյունին գամել։ Կողմ-նո-րոշ-վեք: Հավելեմ՝ երբեք չեմ ընտրել Քոչարյանին, չգիտեմ՝ ինչի, բայց ընտրակաշառքի առաջարկ չեմ էլ ստացել, բայց հիմա նայելով, որ Լևոն Տեր-Պետրոսյանն ու Սերժ Սարգսյանն ազատության մեջ են, իսկ եթե հիշում եք՝ դևը եռագլուխ է, ապա հարց է առաջանում՝ դևի մյուս երկու գլուխներն ինչո՞ւ նույն հարթության վրա չեն: Եթե գիտեք, ասեք, իմանամ»: