«Փաստաբանների խորհուրդը այդ առումով կարելի է և՛ որպես «կիքս», և՛ որպես խորամանկ քայլ համարել». Բ. Նավասարդյան

Երևանի մամուլի ակումբի նախագահ Բորիս Նավասարդյանը Ֆեյսբուքի իր էջում գրել է. «Մի մեկնաբանության մեջ արդեն առաջարկել էի այս վարկածը, բայց այստեղ էլ գրեմ: Չարժե Քոչարյանի ասածները մարտի 1-20 մամուլի գործունեության սահմանափակումների վերաբերյալ կենցաղային («սուտ») կատեգորիաներով գնահատել: Ամենը, ինչ նա անում է, դատական պաշտպանության մարտավարության մաս է: Եվ փաստաբանների խորհուրդը այդ առումով կարելի է և որպես «կիքս», և որպես խորամանկ քայլ համարել: «Կիքս» այն տեսակետից, որ իր հայտարարությամմբ մեղադրյալը բարձրացրել է հերքումները հսկայական ալիք և բացասական ընկալումների արժանացել հանրության կողմից որպես «ստախոս»: Իսկ խորամանկ քայլ այն տեսեակետից, որ բացասական ընկալումները այսպես թե այնպես առկա են, և պաշտպանության նպատակը ոչ թե դրանք բացառելն է, այլ դատական գործը շահելն է: Վկայությունները մամուլի ազատության ապօրինի սահմանափակումների, որոնք ՉԷԻՆ ԲԽՈՒՄ բուն արտակարգ իրավիճակի մասին հրամանագրից, առանց բարձրացած հերքումների ալիքի էլ կային: Եվ կրկնելով առերևույթ իրականությանը չհամապատասխանող տեղեկություններ, Քոչարյանը ևս մեկ անգամ շեշտում է, որ և այն ժամանակ, և հիմա հենվում էր համապատասխան պաշտոնյաների տրամադրած տվյալների վրա: Այդ համապատասխան պաշտոնյան, որը իրականացնում էր ԶԼՄ֊ների հետ կապված հրամանագրի դրույթենրը, հանգուցյալ Գորիկ Հակոբյանը (2008֊ին ԱԱԾ տնորեն) չի կարող այլևս վկայություններ տալ դատարանին: Այսինքն, ինչպես գործի շատ այլ դրվակներով, այստեղ էլ հիմնական վկան հասանելի չէ արթարադատության համար: Հաշվի առնելով Քոչարյանի փաստաբանների մասնագիտական կարողությունները, հակված եմ մտածել, որ գործ ունենք ոչ թե «կենցաղային ստի», «կիքսի», այլ հենց հստակ մարտավարության հետ: Դրան կարելի է հակադրել վկայություններ, որ այն օրերին անձամբ Քոչարյանին ներկայացվել են հիմնավոր մտահոգություններ լրատվամիջոցների գործունեեության ապօրինի խոչընդոտների վերաբերյալ (ասենք, օտարերկրյա դիվանագետների, միջազգային կառույցների ներկայացուցիչների կողմից): Եվ այդպիսիք լինելու պարագայում ակնհայտ կդառնա Սահմանադրության երաշխավորի կողմից հանցավոր անգործության համգամանքը: Սա, իհարկե, իմ ոչ իրավանաի տրամաբանական վերլուծություն է»: