«Կա՛մ պարոն Հարությունյանը անամոթ կերպով ստում է, կա՛մ սկլերոզով է տառապում». Տիգրան Գրիգորյան

Արցախի «Ազգային վերածնունդ» կուսակցության անդամ Տիգրան Գրիգորյանը ֆեյսբուքյան իր էջում գրել է. «Պատասխանելով «Ազատություն» ռադիոկայանի այն հարցին, թե արդյոք Ռոլանդ Այդինյանը «Ազատ հայրենիք» կուսակցության անդամ է՝ Արայիկ Հարությունյանը նշել է. «Կուսակցության անդամ լինելը, թե չէ ես չեմ կարող հիշել: Հազարավոր, ավելի քան 6 հազար կուսակցական ունեմ»:

Մի քանի վստահելի աղբյուրներից ճշտել եմ ու հաստատել իմ ունեցած տեղեկությունը այն մասին, որ Ռոլանդ Այդինյանը «Ազատ հայրենիք» կուսակցության Շահումյանի շրջանի տարածքային կառույցի ղեկավարն է եղել առնվազն մինչև վերջերս:

Փաստորեն, Արայիկ Հարությունյանը հրապարակայնորեն հայտարարում է, որ չգիտի իր կուսակցական կառույցի ղեկավարին Արցախի ամենամեծ շրջաններից մեկում: Երկու տարբերակ կա. կա՛մ պարոն Հարությունյանը անամոթ կերպով ստում է, կա՛մ սկլերոզով է տառապում, ինչը բավականին լուրջ խնդիր է նախագահական ամբիցիաներ ունեցող գործչի համար»: