Երեքշաբթի, 18 հունիսի, 2019 թ.
|
Ստեփանակերտում`   +16 °C

Սյունիքի մարզում պայմանագրային զինծառայող է վթարի ենթարկվել. դին հայտնաբերվել է մեքենայից դուրս

Սյունիքի մարզում պայմանագրային զինծառայող է վթարի ենթարկվել. դին հայտնաբերվել է մեքենայից դուրս
72
Շաբաթ, 01 հունիսի, 2019 թ., 12:15

Այսօր՝ հունիսի 1-ին, ողբերգական ավտովթար է տեղի ունեցել Սյունիքի մարզում: Ժամը 01:00-ի սահմաններում Գորիս քաղաքի բնակիչ՝ 46-ամյա Վարդգես Խաչատրյանը իր վարած «Գազ 3110» մակնիշի 34 TF 042 համարանիշի ավտոմեքենայով Երևան-Մեղրի ավտոճանապարհի 230 կմ հատվածում դուրս է եկել երթևեկելի գոտուց և հայտնվել ձախ հատվածում առկա ձորում:

Ինչպես հայտնում է Shamshyan.com-ը, վթարի հետևանքով Վ. Խաչատրյանը տեղում մահացել է: Նրա դին ավտոմեքենայից դուրս հայտնաբերել են արտակարգ իրավիճակների նախարարության փրկարար ծառայության Գորիսի հրշեջ-փրկարարական ջոկատի փրկարարները:

Փաստի առթիվ հարուցվել է քրեական գործ՝ ՀՀ քր. օր.-ի 242 հոդվածի հոդվածի 2-րդ մասի հատկանիշներով:

Աղբյուրի տեղեկություններով՝ Վ. Խաչատրյանը ծառայում է ՀՀ ՊՆ բանակային կորպուսում՝ որպես պայմանագրային զինծառայող:

Առավել մանրամասն՝ սկզբնաղբյուրում: