«Հրապարակում հանցագործին մահապատժի ենթարկելուց ավելի հակաքաղաքակրթական է մեղադրյալին հրապարակավ ստորացնելը». Կնյազ Սարոյան

ԱԺ աշխատակազմի լրատվության և հանրության հետ կապերի վարչության ղեկավար Կնյազ Սարոյանը «Ֆեյսբուք»-ի իր էջում գրել է. «Հրապարակում հանցագործին մահապատժի ենթարկելուց ավելի հակաքաղաքակրթական է մեղադրյալին, ում դեռ չեն դատել, հրապարակավ ստորացնելը, արժանապատվությունը գետնով տալը, խրախճանքն ու մնացյալը։ Ուղիղ կրակոց՝ Սահմանադրությանը։ Բանտն ամեն մարդու անձնական դժբախտությունն է, հերթական խեղված ճակատագիրը, ում դեռ հատուցում է սպասում։ Ատելությունն ու քաղաքացիական համերաշխությունը չեն կարող իրար կողքի լինել։ Եթե մերժում ենք արատավորն ու դա անողին, ապա բարի լինենք վեր կանգնել էժանագին վրեժխնդրությունից ու կայֆ բռնելուց։ Լավ երկիր կառուցող քաղաքացին վաղվա օրվա տեսլականն է գծում, ոչ թե անցյալի թշվառությամբ ինքնաբավարարության պատրանք ստեղծում։ Եվ վերջապես, դրանից ուղեղներում ծվարած աղքատությունը չի վերանում։ Մի՛ արեք, վատ է»։