«Դա այդպես չէ». Կարեն Հովհաննիսյան

Քրդագետ, ռազմական վերլուծաբան Կարեն Հովհաննիսյանը ֆեյսբուքյան իր էջում գրել է. «Մեզ մոտ թյուր կարծիք կա, որ Նախիջևանում Թուրքիայի և Ադրբեջանի հետ համատեղ անցկացվող «Անխախտ եղբայրություն-2019» մարտավարական կրակային պարապմունքներն սկսվում են հունիսի 7-ին և ավարտվում 11-ին: Դա այդպես չէ: Այդ մարտավարական կրակային պարապմունքները մի քանի փուլով են և պաշտոնապես վերջին փուլը համարվում է հունիսի 7-11-ը: Այդ փուլին ոչ թե Ադրբեջանից ժամանած ռազմական ուժերն են մասնակցելու, այլ, բացառապես, Նախիջևանում տեղակայաված ռազմական ուժերը Թուրքիայի ռազմական ուժերի հետ: Նախատեսված է, որ այդ փուլին մարտավարական կրակային պարապմունքներին կմասնակցեն 5000 զինծառայող, 200 միավոր տանկ և զրահապատ տեխնիկա, 180 միավոր հրետանա-հրթիռային տարբրեր տրամաչափի կայաններ, ականանետեր և այլն, 21 ռազմական ուղղաթիռ և ինքնաթիռ, ԱԹՍ-ներ և այլն: Թուրք ինստրուկտորները պարապմունքներ են անցկացնելու թվային հրետանու համար: Հատկանշական է, որ երեկ տեղի է ունեցել Ադրբեջանի մտավորականության և Նախիջևանում տեղակայված ռազմական ուժերի զինծառայողների միջև: Թեման եղել է բարոյահոգեբանական և հայրենասիրական ոգին»: