«Դիմադրում եք, որ ի՞նչ անեք». Ռուբեն Մեհրաբյան

Քաղաքագետ Ռուբեն Մեհրաբյանը ֆեյսբուքյան իր էջում գրել է. «Կազմակերպված քրեական խմբավորումը յուրացրել էր պետությունը և այն վերածել հանցագործությունների գործիքի, իսկ իր գործունեությունն օրինականացնելու նպատակով վարձել էր ֆորմալ իրավաբանական կրթությամբ մի-քանի տասնյակ անձանց, նրանց կոչելով «դատավորներ»։ Կազմակերպված քրեական խմբավորումը հեռացվել է գործադիր և օրենսդիր իշխանություններից՝ հեղափոխության և ազատ ընտրությունների ճանապարհով։ Իսկ կազմակերպված քրեական խմբավորման դատական մետաստազները հիմա գիտահետազոտական բացատրություններ են ցփնում, թե ինչու նրանք պետք է շարունակեն մնալ իրենց՝ դատավորի աթոռներից չքերված և շարունակեն համարվել որպես «արդարադատություն» և ինչ ուզեն՝ անեն «հանուն Հայաստանի Հանրապետության»։ Իսկ որոշ անբարտավան զավզակներ առանց կարմրելու ասեն, որ սա «դիմադրության օջախ է»։ Դիմադրում եք, որ ի՞նչ անեք։ Անիմաստ զբաղմունք է։ Հրաժարական տվեք, զբաղվեք փաստաբանությամբ, ավելի խելամիտ է, քան հիմար-հիմար խոսելը և հիմարությունների համար օրենքում հղումներ որոնելը։ Մեծ մարդիկ եք ի վերջո։ ԳՆԱԼՈՒ ԵՔ, ՁԵՒ ՉՈՒՆԵՔ։ Կիրակի օր է, մի քիչ մտածեք վաղվա օրվա մասին»։