Դատախազությունն ինքնաբացարկի գրավոր միջնորդություն է ներկայացրել Քոչարյանի գործով դատավոր Դավիթ Գրիգորյանին

ՀՀ գլխավոր դատախազ Արթուր Դավթյանն այսօր լրագրողների հետ զրույցում հայտարարեց, որ ՀՀ գլխավոր դատախազությունն ինքնաբացարկի գրավոր միջնորդություն է ներկայացրել Ռոբերտ Քոչարյանի և մյուսների գործով դատավոր Դավիթ Գրիգորյանին։

«Դատավարական ընթացակարգով դրանք առաջին իսկ նիստի ժամանակ պետք է քննության առարկա դառնան. մենք պնդելու ենք մեր դիրքորոշումը»,- ասաց նա։

Ավելի վաղ հայտնել էինք, որ Վերաքննիչ քրեական դատարանը՝ դատավոր Արմեն Դանիելյանի նախագահությամբ որոշել էր կալանավորել Ռոբերտ Քոչարյանին, իսկ գործի վարույթը կասեցնելու առաջին ատյանի դատարանի դատավոր Դավիթ Գրիգորյանի որոշումը բեկանել և գործն ուղարկել նոր քննության։