Հինգշաբթի, 14 նոյեմբերի, 2019 թ.
|
Ստեփանակերտում`   +5 °C

«Պուտինին ուղղված «18+» ելույթը ծանր հետևանքներ կարող է ունենալ վրաց-ռուսական հարաբերությունների համար»․ Գագիկ Համբարյան

«Պուտինին ուղղված «18+» ելույթը ծանր հետևանքներ կարող է ունենալ վրաց-ռուսական հարաբերությունների համար»․ Գագիկ Համբարյան
173
Երկուշաբթի, 08 հուլիսի, 2019 թ., 11:40

Քաղաքագետ Գագիկ Համբարյանը ֆեյսբուքյան իր էջում գրել է. «Վրացի հաղորդավարը հայհոյել է Պուտինին և նրա ծնողներին։

Վրացական «Ռուսթավի 2» հեռուստաալիքի հաղորդավար Գեորգի Գաբունիան հուլիսի 7-ի իր հեղինակային «Պոստսկրիպտում» հաղորդումը սկսել է ՌԴ նախագահ Վ.Պուտինին ուղղված խոսքով, որը լի էր հայհոյանքներով և վիրավորանքներով...

Այն չեմ ներկայացնի, քանի որ այդ 1,5 րոպեանոց ելույթն ընդամենը պետք է դիտել...
Հիշեցնեմ, որ ըստ Վրաստանում տարածված կարծիքի, ընդդիմադիր «Ռուսթավի 2» հեռուստաընկերությունը, պատկանում է երկրի նախկին նախագահ Միխեիլ Սաակաշվիլիին և հենց դրանով է պայմանավորված այդ Հ/ը-ի բացահայտ հակառուսական քարոզչությունը...
Գաբունիայի՝ ՌԴ նախագահ Պուտինին ուղղված «18+» ելույթն արդեն քննադատել են Վրաստանի նախագահը, վարչապետը, Թբիլիսիի քաղաքապետը, ԱԳՆ ղեկավարը, խորհրդարանի խոսնակը և այլ պաշտոնյաներ...
Պաշտոնական Մոսկվան դեռ լռում է...
Թբիլիսիում շատ լավ են պատկերացնում, թե Գաբունիայի ելույթը որքան ծանր հետևանքներ կարող է ունենալ առանց այդ էլ բավական բարդ վրաց-ռուսական հարաբերությունների համար...»։