Երեքշաբթի, 16 հուլիսի, 2019 թ.
|
Ստեփանակերտում`   +15 °C

Վրացի լրագրող Գաբունիայի տան շքամուտքին նվաստացնող ցուցանակ են փակցրել

Վրացի լրագրող Գաբունիայի տան շքամուտքին նվաստացնող ցուցանակ են փակցրել
112
Շաբաթ, 13 հուլիսի, 2019 թ., 14:30

Վրացի լրագրող Գեորգի Գաբունիայի տան շքամուտքին նվաստացնող ցուցանակ են փակցրել՝ «Այս տանը չար ստահակ Գաբունիան է ապրում: Այդ մասին հաղորդել է «Արգումենտի ի ֆակտի» պարբերականը: Լրագրողի հարևանները պարբերականի թղթակցին ասել են, որ Գաբունիան արդեն թիկնապահներով է շրջում, տագնապում է սեփական անվտանգության համար: Ինքը՝ լրագրողն արդեն իր հայրական տանը չի ապրում, այնտեղ միայն նրա ծնողներն են:

«Արգումենտի ի ֆակտիի» թղթակիցը պարզել է նաև, որ ծնողները ևս հեռուստաշխարհից են եղել. մայրը՝ Ջուլիետա Վաշակմաձեն Վրաստանի վաստակավոր արտիստուհի է, հեռուստահաղորդավար, իսկ հայրը՝ Շալվա Գաբունիան՝ օպերատոր: Նրանք ժամանակին աշխատել են պետական հեռուստաընկերությունում: Երբ իրենց որդին դարձել է հեռուստալրագրող, շատ են ուրախացել, սակայն վերջին պատմություններից հետո պարփակվել են իրենց մեջ և ոչ մեկի հետ չեն շփվում: